Кўрганмидинг кўзларимда ёш?

Соғинганда излаб бир нишон,

Қабринг томон олар эдим йўл.

Келтирардинг менга бир замон,

Энди ҳар чоғ мен элтаман гул.

 

Келдим. Узоқ қолдим мен сокин,

Сенинг азиз бошингда ёлғиз,

Осмон тиниқ эди ва локин,

Парча булут етиб келиб тез,

 

Кўкда менинг бошимда туриб

Гўё юрагимдай қалқди у.

Кўзимдаги ёшимни кўриб

У ҳам тўкди ёшини дув-дув.

 

Биз йиғладик тепангда шу кун,

Келдингми, деб кўтармадинг бош.

Айт-чи, сен-ла бахтиёр онлар,

Кўрганмидинг кўзимда бир ёш?

1945


Fikr bildirish

Email manzilingiz chop etilmaydi.