“Тингла булбул”. Зулфия шеъри
Нурали Эркаев мусиқаси, Дилрабо Қурбонова ижросида
ТИНГЛА, БУЛБУЛ
Булбул сайрар, ирмоқ куйлар, ўйнар ел,
Ҳамма ёққа нур тўлганга ўхшайди.
Ширин куйга тўлиб кетди маъсум дил,
Севги унга ёр бўлганга ўхшайди.
– Тўхта, булбул, мен куйлайин, жон булбул,
Сен тинглагин қалбимдаги торимни.
Баҳор десам, рашк қилмасин чаман гул,
Юрагимга кириб олган ёримни.
Мен ёр севдим, ишқ ўради ўйимни,
Эрка дилнинг тўлқинига қулоқ сол.
Сен бийронсан, лекин менинг куйимни
Кўрки бўлган садоқатдан сабоқ ол…
1951
4 fikr
кучириб олиш имкони йукми?
Nega ko`chirib olish imkoni yo`q deb o`yladingiz? YouTube.com ga o`tib bemalol ko`chirib olsangiz bo`ladi.
yana she’rlari qo’shiq qilingan bo’lsa joylashtiring ko’chirib oladigan qilib
Yuklab oladigan fayllar bormi?